As poñencias celebraránse os días 22 e 23 de outubro
RAIOLAS ORGANIZA ESTA FIN DE SEMANA AS
I XORNADAS SOBRE O AUTISMO NA DEPUTACIÓN PROVINCIAL
A asociación tenta achegar o coñecemento do autismo á sociedade lucense
Santiago, 21 de outubro de 2004.- A asociación Raiolas-Lugo organiza esta fin de semana as I Xornadas sobre autismo no salón de actos da Deputación de Lugo. As poñencias comezarán o venres ás 18.00 horas e continuarán durante toda a xornada do sábado.
A asociaciación Raiolas tenta con esta iniciativa acercar o mundo do autismo á sociedade en xeral e especialmente aos profesionais e ás persoas que conviven cos afectados polo Transtorno do Espectro Autista (T.E.A.). As conferencias do venres día 22 centraranse especialmente na definición das características do autismo e as perspectivas para o futuro. Na seguinte xornada abordaranse os problemas máis usuais das persoas afectados por T.E.A.
Entre os invitados a participar nas Xornadas encontrase o neurólogo de recoñecido prestixio, Ángel Díaz Cuervo, e a directora do centro educativo Os Mecos da asociación BATA, Carmen Márquez López.