A Asociación é unha entidade sen ánimo de lucro, declarada de Utilidade Pública no ano 2011, que desenvolve as súas actividades dentro do ámbito territorial da provincia de Lugo.
CALIDADE
A calidade é un compromiso de Raiolas así como unha responsabilidade individual de cada un dos membros da Asociación.
A política de calidade de Raiolas- Lugo ten como obxectivo ofrecer un servizo completo que incida na mellora na calidade de vida das persoas con TEA/TCS e as súas familias.
A consecución desta política será alcanzada mediante os seguintes compromisos:
- Que a mellora continua da calidade sexa un compromiso da directiva de Raiolas- Lugo e de cada un dos seus traballadores e traballadoras.
- Ofrecer un servizo personalizado de acordo cos criterios de eficacia, eficiencia e ética profesional.
- Facilitar ás persoas con TEA/TCS e ás súas familias os recursos e o apoio persoal necesario para alcanzar a mellora na calidade de vida destas persoas.
- Desenvolver con transparencia os seus obxectivos ao servizo das persoas con TEA/TCS, as súas familias, os/as socios/as, a directiva e os seus financiadores.
- Lograr un equilibrio permanente e equitativo entre o incremento de novos socios/as e a calidade no servizo.
- Ser flexibles e adaptarnos ás necesidades e expectativas das persoas con TEA/TCS e as súas familias e aos cambios no entorno.
- Atender ás necesidades de formación persoais dos traballadores e traballadoras.
- Establecer canles de información e comunicación que faciliten a participación e o compromiso dos traballadores e traballadoras cos obxectivos de calidade do programa.
A política de calidade conta co respaldo da Xunta Directiva de Raiolas- Lugo e é coñecida e aplicada por todo o persoal que conforma a asociación, na execución das súas actividades. A directiva de Raiolas comprométese a facilitar os medios necesarios ao seu alcance para lograr o establecido nesta política de calidade, asegurando a súa actualización, o seu entendemento e difusión a todos os niveis.
Esta política maniféstase nos compromisos que a asociación pretende cos seus grupos de interese.
