A Asociación Raiolas – Lugo fúndase no ano 2000 e dende entón foi desenvolvendo a súa actividade no traballo con persoas con trastorno do espectro autista, dende a perspectiva da normalización e inclusión social, deseñando os servizos para que proporcionen niveis de calidade de vida iguais ó do resto das persoas.
O Centro de Día é un modelo de centro asistencial pequeno, deseñado para un máximo de 15 persoas usuarias, co obxectivo de ofrecer unha atención individualizada e especializada ás mesmas. Pretendemos que sexa un centro que se adapte ás necesidades das persoas con autismo que o integran e que se facilite a súa estancia no mesmo mediante o uso de metodoloxías específicas e de adaptacións físicas, espaciais e materiais.
Dirección: Calle Bernardino Pardo Ouro, 15, 27002 Lugo
A Asociación Raiolas Lugo ten adxudicado o concerto social para a reserva e ocupación de prazas en servizos de atención diúrna e de atención residencial para persoas dependentes con trastorno do espectro autista, discapacidade física, parálise cerebral, dano cerebral adquirido e discapacidade intelectual para o periódo 2024-2028 (Diario oficial de Galicia núm. 121, do 24 de xuño de 2024).
Consideramos que o noso centro ten carácter educativo-laboral no que, ademais de continuar ao traballo de tódalas habilidades académicas, sociais, comunicativas e de autonomía que se traballan en etapas anteriores na Asociación, se establecerá como un medio de intervención e como ponte para mellorar as habilidades.
Ademáis, o noso Centro de Día céntrase na inclusión das persoas con TEA co fin último de favorecer a súa inmersión no mencionado mundo laboral a través de programas de apoio, autonomía, independencia, autoestima e valoración social.
Outro das funcións do Centro será a de coordinarnos co resto de organismos: centros educativos e formativos, programas e servizos de emprego, servizos de vivenda, servizos sociais, sanitarios, de ocio, etc. Tamén os recursos dirixidos á familia do usuario, especialmente cos recursos de información, asesoramento, orientación e formación familiar.
Co fin de garantir a participación e inclusión social dos beneficiarios, o Centro de Día encóntrase na comunidade, cunha dotación axeitada e suficiente de recursos e servizos no entorno próximo.
Os servizos que se ofertan son os seguintes:
- CENTRO DE DÍA
- ATENCIÓN PSICO-SOCIAL
- ACTIVIDADES DEPORTIVAS
- ACTIVIDADES DE OCIO
- ESTIMULACIÓN COGNITIVA
- VOLUNTARIADO
- SERVICIO DE COMEDOR PROPIO
- DIETAS ESPECÍFICAS
- SERVICIO DE TRANSPORTE ADAPTADO
O primeiro Centro de Día de autismo da provincia de Lugo acolle a persoas maiores de 16 anos con Trastorno do Espectro Autista, onde reciben atención especializada psicolóxica, psico-social e de estimulación cognitiva. A través do traballo conxunto do equipo de psicoloxía, integración social e coidadores, o centro ofrece actividades formativas, deportivas e de ocio que os preparan para a vida en sociedade e a vida laboral. Ademáis, a localización do edificio supón un incentivo maior, xa que é un entorno idóneo que permite ás persoas realizar actividades no exterior, visitas e excursións, contando con servizo de comedor propio e transporte adaptado.
