José Tomé Roca, presidente da Deputación Provincial e Inés Flores, presidenta da nosa entidade, asinaron o pasado venres a renovación da colaboración que mantén a institución provincial coa nosa Asociación por un total de 22.000 euros.
A través desta axuda Raiolas Lugo prestará atención especializada a un total de 65 usuarios e ás súas familias co obxectivo de proporcionarlles un servizo de apoio ou guía para que os usuarios e usuarias desenvolvan ó máximo as súas capacidades, facilitando a comunicación ou a comprensión das súas necesidades por parte das familias.