A Deputada da Area de Cultura Vicepresidencia. Deputación de Lugo, Iría Castro, Inés Flores (Presidenta de Raiolas) e Encarna Lago, Xerente da Rede Museística Provincial de Lugo, presentaron o pasado luns 25 de Marzo a mochila sensorial neurodiverxente co obxectivo de previr ou diminuír os momentos de estrés en persoas con TEA ou necesidades de apoio específicas durante a visita ós museos.
Esta iniciativa da Rede Museística Provincial de Lugo, forma parte das accións programadas para o Día Mundial da Concienciación sobre o autismo e contou co asesoramento de profesionais de Raiolas para decidir o seu contido.